2017-03-22 16:06

საკრებულოს ფრაქცია თბილისის თავმჯდომარე  მამუკა ახვლედიანი ფინანსთა სამინისტროს საგამოძიებო სამსახურში ჩვენების მისაცემად დაიბარეს.

ახვლედიანი  ,,ძველი თბილისის ახალი სიცოცხლე“ პროექტის  ფარგლებში იკითხება.  საგამოძიებო სამსახური ბოლო სამი წელია ამ საქმეზე გამოძიებას აწარმოებს, საქმეს ბრალდებული არ ჰყავს თუმცა ახვლედიანი არ გამორიცხავს ,რომ ბრალი სწორედ მას წარუდგინონ.

„შესაძლებელია ბრალის წაყენების ფაქტიც მოხდეს. მაგრამ ეს არაფრის მთქმელი არ არის, ეს არაფრის მომცემი არ არის მათთვის, იმიტომ, რომ სასამართლოს უკვე აქვს დამკვიდრებული პრაქტიკა, რომ ასეთ შემთხვევებში ბრალის წაყენების შემდეგ და სისხლის სამართლის საქმის აღძვრის შემდეგ ხდება ადამიანების გამართლება.

გინდ წაგვიყენონ და გინდ არ წაგვიყენონ ბრალი ამას ჩემთვის არ აქვს არანაირი მნიშვნელობა. მე ვიცი რომ ეს საქმე არის კრისტალურად სუფთა და მართალი. ეს საქმე არის მიმართული იმისათვის, რომ თბილისში 100 ათასზე მეტი ადამიანის სიცოცხლე გვეხსნა,“-განაცხადა მამუკა ახვლედიანმა.