2017-03-20 15:46

მთავარი პროკურორის განცხადებით, ე.წ. ციანიდის საქმეში მეუფე დიმიტრისა და პატრიარქის დაცვის ყოფილი უფროსის წინააღმდეგ მტკიცებულებები არ არსებობს. 

”გამოძიების მიერ მოპოვებული მტკიცებულებებით დგინდება ერთი პირის მიერ შესაძლო დანაშაულის ჩადენის ფაქტი. ეს არის ბრალდებული გიორგი მამალაძე. მას შესაბამისი მუხლით წაყენებული აქვს ბრალი. ამდენად მე სხვა პიროვნებებზე რაიმე დანაშაულის ჩადენის ფაქტებთან დაკავშირებით ვერ ვისაუბრებ, ვინაიდან საქმეში სხვა მტკიცებულებები არ მოიპოვება”, - განაცხადა ირაკლი შოთაძემ.

შოთაძის განცხადებით, სოსო ოხანაშვილს ქვეყნიდან გაუსვლელობის ხელწერილი ჩამორთმეული არ აქვს.

დაკავებული დეკანოზის ადვოკატი კი აცხადებს, რომ პროკურატურის მთავარი მოწმე , ირაკლი მამალაძე თავის მეორე ჩვენებაში ე.წ. ციანიდის საქმეში მონაწილე პირებად სოსო ოხანაშვილსა და მეუფე დიმიტრის ასახელებს.