2017-03-15 19:30

რუსეთი საქართველოს ოკუპირებულ ტერიტორებზე უახლესი სამხედრო დანადგარების გადასროლას ისევ აგრძელებს. ცოტა ხნის წინ ოკუპირებულ აფხაზეთში უახლესი С-300 საზენიტო-სარაკეტო სისტემები გადაისროლეს. ინფორმაციას საერთაშორისო ვოლონტერთა საზოგადოება „InformNapalm“ ავრცელებს. 

HUMINT/OSINT სადაზვერვო საქმიანობის შედეგად მიღებული ინფორმაციის თანახმად,  საერთაშორისო სადაზვერვო საზოგადოების „InformNapalm“ მოხალისეებმა შეძლეს,  დაეფიქსირებინათ საზენიტო-სარაკეტო სისტემების С-300 აფხაზეთის ოკუპირებულ ტერიტორიაზე შეყვანის ფაქტი.

საერთაშორისო სადაზვერვო საზოგადოების მოხალისეების მიერ პირველადი ინფორმაცია მოპოვებული იქნა პირდაპირ აფხაზეთის ოკუპირებული ტერიტორიიდან, ადგილობრივი მცხოვრებლებისაგან. 

სანდო წყაროდან მოწოდებული ინფორმაციის თანახმად, 2017 წლის 10 მარტს რუსეთიდან აფხაზეთში სარკინიგზო ეშელონი შევიდა  – დაახლოებით სამი ათეული ვაგონი, მათ შორის ღია პლატფორმებითა და მსხვილგაბარიტებიანი მეტალოკონსტრუქციებით დატვირთული  დიდბორბლიანი სატვირთო მანქანები.

instagram-ის სოციალურ ქსელში, ვინმე   _natashechka_     გვერდზე აღმოჩენილი იქნა რამდენიმე დღის  წინ ატვირთული ვიდეო-რგოლი 0.21 წუთის ქრონომეტრაჟით. აღნიშნული ვიდეო  ასახავს  სამხედრო ტექნიკით დატვირთული ეშელონის გადაადგილებას, ფიქსირდება 17 ვაგონი, მათ შორის ბორბლიანი მანქანები, სარადარო ანძა და საზენიტო-სარაკეტო სისტემის С-300 –ის სხვა დამხმარე საშუალებები.

ეშელონი გადაადგილდება ნოვოროსიისკი-კრასნოდარის სარკინიგზო ხაზის პარალელურად ტრასის მონაკვეთზე, ადიღესა  და კრასნოდარის მხარის ადმინისტრაციულ საზღვარზე.