2017-03-13 18:37

ე.წ. ციანიდის საქმეზე დაკავებული დეკანოზის ადვოკატის გიორგი ფანცულაიას განცხადებით,  პროკურატურის მთავარი მოწმის , ირაკლი მამალაძის მიერ გაკეთებული განცხადებები აცდენილია, როგორც რეალობას ასევე მის მიერ მიცემულ ჩვენებასაც.

ფანცულაია დეტალებს არ აკონკრეტებს, თუმცა აღნიშნავს, რომ ირაკლი მამალაძის მიერ გაჟღერებულ ტერმინები სისხლისამართლებრივ დანაშაულს შეიცავს.

“საქმის ერთ-ერთი მთავარი მოწმე ირაკლი მამალაძე რა განცხადებებსაც აკეთებს ჟურნალისტებთან საუბრისას, არ შეესაბამება სიმართლეს. ირაკლი მამალაძის მიერ გაჟღერებული ტერმინები, უფრო მეტ სისხლის სამართლის დანაშაულს შეიცავს, ვიდრე მამა გიორგი მამალაძის მიერ გაჟღერებული ტერმინები. ირაკლი მამალაძის მიერ გაკეთებული განცხადებები, საერთოდ განსხვავდება არა მარტო საქმის რეალობიდან, არამედ მის მიერ მიცემული ჩვენებებიდანაც კი”, - განაცხადა გიორგი ფანცულაიამ.