2017-03-13 15:34

ძნელი არ არის დასკვნის გამოტანა, თუ რა  როლი და რა ინტერესი ჰქონდა ნაციონალურ მოძრაობას  ბათუმში 11 მარტს განვითარებულ დაპირისპირებაში,-აცხადებს საპარლამენტო უმრავლესობის ლიდერი არჩილ თალაკვაძე.

მისივე თქმით, ნაციონალური მოძრაობიდან გარკვეული ჯგუფის გამოყოფა იმიტომ მოხდა, რომ ენმ-ს  ლიდერები ძალადობისა და რევოლუციური სცენარების განვითარების მომხრენი იყვნენ.

„თქვენს მიერ გავრცელებულ კადრებში პირდაპირ ფიგურირებენ ძველი ენმ-ის ლიდერები, ფიგურირებენ მათთან ასოცირებული არასამთავრობო ორგანიზაცია თავისუფალი ზონა და მისი ლიდერები. ასევე, თუ გავიხსენებთ, რატომ მოხდა ნაციონალური მოძრაობის გაყოფა და მოხდა იმიტომ, რომ ეს ჯგუფი სწორედ თავის კოლეგებს სთავაზობდა ვითარების შეცვლას ქვეყანაში ძალადობით და რევოლუციური სცენარებით, ეს ღიად ითქვა მაშინ მათ მიერ და ეს ინფორმაცია არსებობს მედიაში. ამ ყველაფერს თუ ერთმანეთს დავუკავშირებთ, ძნელი არ არის დასკვნების გაკეთება, თუ რა როლი და რა ინტერესი შეიძლება ჰქონოდა ნაციონალურ მოძრაობას ამ პროცესში,“ - განაცხადა არჩილ თალაკვაძემ.