2017-03-13 12:32

ბათუმის ქუჩებში  ამ დრომდე პოლიციაა მობილიზებული. 11 მარტს განხორციელებული ძალადობისა და ვანდალიზმის შემდეგ პოლიცია ქალაქის ქუჩებში 24 საათიან რეიდს ახორციელებს.

 
შინაგან საქმეთა სამინისტროს განცხადებით, ორი დღის წინ განვითარებული მოვლენების გამო ბათუმში სამართალდამცველები სხვადასხვა რეგიონებიდან იმყოფებიან.

 
დაპირისპირებაში მონაწილე პირები, რომლებიც დაკავებულები იყვნენ ხელწერილის საფუძველზე გათავისუფლდნენ. მხოლოდ 7 პირს შეეფარდა 5 დღიანი წინასწარი პატიმრობა.

„ვინაიდან ბათუმის საქალაქო სასამართლო ვერ ჩაეტია 12 საათიან ვადაში , ამიტომ მოხდა ადმინისტრაციული წესით დაკავებული პირების გათავისუფლება. თუმცა ეს არ ნიშნავს იმას, რომ საქმის წარმოება შეწყდა. საქმის წარმოება უნდა განახლდეს სამი დღის ვადაში. ბათუმის საქალაქო სასამართლომ ერთ ხმად ყველა ადმინისტრაციული წესით დაკავებულს სახდელი შეუფარდა 5 დღიანი პატიმრობა, რაც ვარაუდის საფუძველს მაძლევს რომ მიზნად ისახავს ეს დაკავება, რომ აპირებენ გამოძიების დაწყებას,“-განაცხადა ადვოკატმა.