2017-03-01 18:52

საქართველოს მოქალაქეებისთვის უვიზო მიმოსვლის შემოღებასთან დაკავშირებულ დოკუმენტს ხელი მოეწერა. დოკუმენტზე ხელმოწერა ევროპარლამენტში თბილისის დროით 17:00 საათზე შედგა.

ამ ხელმოწერიდან 20 დღეში საქართველოს მოქალაქეები შენგენის ზონაში, უვიზო , მოკლევადიან გადაადგილებას შეძლებენ.

ხელმოწერას საქართველოს დიპლომატიური მისია და საქართველოს პრემიერ მინისტრი დაესწრო.

დოკუმენტს ევროპარლამენტის პრეზიდენტმა ანტონიო ტაიანიმ და ევროკავშირის თავმჯდომარე ქვეყნის, მალტის საპარლამენტო მდივანმა კრის აგიუსმა მოაწერეს ხელი.