„პირველის ნახევრიდან გაიხსნება ეთერი ყველა მსურველისთვის და იქნება უწყვეტი მაუწყებლობა საღამომდე. ასე იქნება ყოველდღე, ვიდრე უზენაესი სასამართლო გადაწყვეტილებას არ მიიღებს,“ - განაცხადა ნიკა გვარამიამ სპეციალურ ბრიფინგზე.
,,რუსთავი2"-ის გენერალური დირექტორი უზენაეს სასამართლოსთან აქციას აანონსებს, გვარამიას თქმით, ხვალ 12:30-დან რუსთავი 2-ს საღამომდე უწყვეტი მაუწყებლობა ექნება.თუმცა აცხადებს, რომ აქციაზე ტელეკომპანიის ყველა წარმომადგენელი ვერ იქნება, რადგან ,,რუსთავი2-ს ახლა ესაჭიროება შიგნიდან გამაგრება".
გვარამია რუსთავი 2-ის რამდენიმე მოთხოვნასაც აჟღერებს. მისი თქმით, დიდი პალატის შემადგენლობაში არიან ადამიანები, რომლებიც რუსთავი 2-ის წინააღმდეგ იქნებიან განწყობილები. გვარამია ორი მოსამართლის აცილებას ითხოვს.
„სამწუხაროდ, პროცესი მიმდინარეობს ჩვენი დასწრების გარეშე და ზეპირი განხილვის გარეშე, რაც მნიშვნელოვანი და სერიოზული დარღვევაა ჩვენი შეფასებით, მაგრამ გაცილებით უფრო მძიმე დარღვევაა იმ ადამინების შემადგენლობაში ყოფნა, ვინც ვერ იქნება მიუკერძოებელი და იქნება განწყობილი რუსთავი 2-ის წინააღმდეგ,“ - აცხადებს ნიკა გვარამია.
