2017-02-21 23:46

„იხარეთ და იბედნიერეთ ყველა პლანეტასთან ერთად“ - ეს ის ნაცნობი სიტყვებია,რომელსაც დამწყები მსახიობი ყველაზე ხშირად იყენებს. ტამანგო ჯღერია - ასე ჰქვია პოზიტიურ და მხიარულ ბიჭს გალიდან.

რატომ მაინც და მაინც ტამანგო? ! ისტორია ისეთივე საინტერესოა,როგორც მისი სახელი. ტამანგოს ქალთა დღეს 8 მარტს 19 წელი უსრულდება. ფიქრობს,რომ დედისათვის ამაზე უკეთესი საჩუქრის გაკეთება წარმოუდგენელი იქნებოდა. ყურადღების ცენტრში ყოფნა და სცენაზე თამაში ბავშვობიდანვე ხიბლავდა. ამ სურვილმა გადააწყვეტინა ახალგაზრდა ყმაწვილს თეატრალურ სტუდია „პიეროში“ ქასთინგზე მისვლა,რომელიც წარმატებით გაიარა.

დამწყები მსახიობი 2017 წლის ნიჭიერის ერთ-ერთი მონაწილე გახლავთ. მის მიერ შესრულებულმა ფეხების სახალისო თეატრალურმა დადგმამ დარბაზი მაშინვე აიყოლია და ჟიურის მხრიდან ოთხი კიც დაიმსახურა. თავისუფალი დრო თითქმის არ აქვს,თუმცა ცდილობს ყურადღება ყველა საქმეზე თანაბრად გაანაწილოს. მუშაობს რუსთავი 2-ში clamper-ად , წერს ლექსებს და იღებს სახალისო ვიდეოებს.

მონაწილეობა აქვს მიღებული რუსთავი 2 - ის კიდევ ერთ პროექტ „გააცინე და მოიგეში“, სადაც მან ჟიურის წევრებიც გააცინა და თანხაც მოიგო. არის აქტიური და კომუნიკაბელური, სწორედ ამიტომ აიყვანეს ბავშვთა გასართობ ცენტრ „neverlend“- ში ანიმატორად. 

დამწყებ მსახიობს მეგობრები დადებითად აფასებენ . facebook - ში დაახლოებით 5000-დე მეგობრის გახალისებას თავისი სიმბოლური სმაილებით ადვილად ახერხებს.მისი ლექსები და ვიდეოები დიდი პოპულარულობით სარგებლობს. ცხოვრებაშიც ყოველთვის ცდილობს ადამიანები გაამხიარულოს და პოზიტიურ განწყობაზე დააყენოს.

ტამანგო თვლის, რომ თავისი ცხოვრების ყველაზე მნიშვნელოვანი ეტაპი ახლა იწყება. მისი მიზანია მოხვდეს შოთა რუსთაველის თეატრალურ უნივერსიტეტში. გეგმავს სხვადასხვა პროექტებში მონაწილეობის მიღებას. ცდილობს მიზანს- გახდეს დიდი მსახიობი- ნელ-ნელა მიაღწიოს.

მანამდე კი ყველას გვისურვებს: „იხარეთ და იბედნიერეთ ყველა პლანეტასთან ერთად“.

ნინა ბარნოვა, სპეციალურად "ნიუსვოისისთვის", ტვ "აფხაზეთის ხმა".