2016-11-18 12:45

არ უნდა გვქონდეს გაუგებარი მიზეზით დახურული ტოქშოუები, ფარული თვალთვალი, შანტაჟი და მუქარა მედიის წარმომადგენლებზე,-განაცხადა პრეზიდენტმა პარლამენტში, მე-9 მოწვევის საკანონმდებლო ორგანოს გახსნისთვის გამართულ პირველ სესიაზე. 

,,როდესაც ვსაუბრობთ ქვეყნის დემოკრატიულობაზე არ შეიძლება არ ვახსენოთ თავისუფალი და პლურალისტული მედიის აუცილებლობა. არავის არც ქვეყნის შიგნით, არც მის ფარგლებს გარეთ არ უნდა დარჩეს კითხვები საქართველოში მედიის თავისუფლების ხარისხთან დაკავშირებით," - აცხადებს გიორგი მარგველაშვილი.

ამ წუთებში ქუთაისში მე-9 მოწვევის პარლამენტის პირველის სხდომა მიმდინარეობს. საკანონმდებლო და აღმასრულებელი ხელისუფლების წარმომადგენლებს სიტყვით მიმართა საქართველოს პრეზიდენტმა. ამ წუთებში კი პარლამენტარებს უხუცესი წევრი რევაზ არველაძე მიმართავს.