2016-03-23 01:51

ციხისძირში დარჩენილი ასწლოვანი ხე, რომლის ურეკში გადატანა ამ დრომდე ვერ ხერხდებოდა, კომპანია "ზიმოს" სპეცტექნიკის მობილიზების შემდეგ ციხისძირთან მიცურებულ სპეციალურ ბორანზე გადაიტანეს და ივანიშვილის დენდროლოგიურ პარკში გადასარგავად გაამზადეს.

ეულად დარჩენილი ხე, რომელსაც სოციალური ქსელების ქართველმა მომხმარებლებმა "ბიძინას ხე" შეარქვეს, რამდენიმე დღის წინ თავად მილიარდერმა და ყოფილმა პრემიერმა მოინახულა და "ზიმოს" წარმომადგენლებთან ერთად განიხილა მისი ურეკში გადატანის გეგმა. 

ციხისძირთან, ხის გადასატანად საგანგებოდ მოაცურეს სპეციალური ბორანი, სადაც მიწაყრილზე დამაგრებული ასწლოვანი ხე უნდა მოათავსონ. ჩვენი ინფორმაციით, ხე უკვე ურეკის სანაპიროზეა. ვიდეოკადრები ჯერ კიდევ გადატანის პროცესის დაწყებამდე, ასევე სოციალურ ქსელში, გიორგი ჯანაშიამ გაავრცელა.