2015-10-23 09:35

ბრიუსელში, სამი შვილის თვალწინ, საქართველოს მოქალაქემ შელაპარაკების შემდეგ დანა ცოლს რამდენჯერმე ჩაარტყა. სასწრაფო სახლში მყოფმა ბავშვებმა და მეზობლებმა გამოიძახეს, მაგრამ დაჭრილი ვერ გადაარჩინეს. ამის შესახებ "საზოგადოებრივი მაუწყებლის" ევროპის ბიუროს ჟურნალისტი ქეთი ქარდავა წერს. 

როგორც ჟურნალისტი წერს, მას შემდეგ, რაც ქმარმა ცოლი მოკლა, სისხლიანი დანა მანქანის ქვეშ დამალა. გამვლელმა ქალბატონმა დაინახა, როგორ მალავდა ის დანას და მომხდარის შესახებ პოლიციას შეატყობინა. 

"...წელს რამდენი სიუჟეტი გავაკეთეთ ოჯახურ ძალადობაზე, მერე თემა ჩაცხრა. მსხვერპლის რაოდენობა იზრდება, ძალადობა არ წყდება.

37 წლის ხათუნა ტუღუში - ძალადობის კიდევ ერთი მსხვერპლი. ვუთანაგრძნობ მის ოჯახს", - წერს ქეთი ქარდავა.