გაეროს გენერალური ასამბლეის ყოფილი თავმჯდომარე დააპატიმრეს აშშ-ში, 500.000 აშშ დოლარის ქრთამის სახით აღების ბრალდებით. ჯონ ეშს ჩინელ ბიზნესმენთან გარიგებაში ადანაშაულებენ.
გამოძიების ვერსიით, ჯონ ეშმა მაკაოში გაეროს ეგიდით კონფერენც-ცენტრის გახსნის აუცილებლობაში დაარწმუნა გენერალური მდივანი, რის გამოც ჩინელი ბიზნესმენისგან 500.000 დოლარი მიიღო, თავად პროექტი კი რამდენიმე მილიარდ დოლარადაა შეფასებული. სამართალდამცველები ჯონ ეშს ასევე ადანაშაულებენ აშშ-სა და ანტიგუაში ჩინური ბიზნესის ლობირებაში, რისთვისაც მას 800.000 აშშ დოლარი აქვს მიღებული. თავად ჩინელი ბიზნესმენი და მისი თანაშემწე ასევე, დაკავებულია.
ჯონ ეში გენერალური ასამბლეის თავმჯდომარედ 2013 წლის ივნისში აირჩიეს.