ამ წუთებში თბილისის საქალაქო სასამართლოში რუსთავი2-ს საქმეზე მოსამზადებელი სხდომა უნდა დაიწყოს. ადვოკატები პროცესის გადადებასთან დაკავშირებით შუამდგომლობას დააყენებენ.
მათი განმარტებით, ჯერ კიდევ წინა პროცესზე ჩააყენეს მოსამართლე ურთმელიძე საქმის კურსში, რომ არხის გენერალური დირექტორი და მთავარი იურისტი დღევანდელ სხდომას ვერ დაესწრებოდნენ, რის გამოც პროცესის გადადება ითხოვეს, თუმცა მოსამართლემ ეს შუამდგომლობა არ დააკმაყოფილა და 2 ოქტომბერს სხდომა მაინც ჩანიშნა.
თუ მოსამართლე პროცესს არ გადადებს, რუსთავი 2-ის ადვოკატები ურთმელიძის აცილებას მოითხოვენ. სხდომას ვერ ესწრება ვერც არხის გენერალური დირექტორი ნიკა გვარამია, დღეს ჩანიშნული პროცესის შესახებ გვარამია სოციალურ ქსელში სტატუსს აქვეყნებს:
,,და ახლა რა ხდება სასამართლოში:
1. აცილების შუამდგომლობა არ დააკმაყოფილა მოსამართლე ურთმელიძემ
2. პროცესის გადადების შუამდგომლობა არ დააკმაყოფია მოსამართლე ურთმელიძემ
საქმის განხილვა მიმდინარეობს რუსთავი 2ის წარმომადგენლების გარეშე. არც მე და არც ჩვენი იურისტი პროცესზე არ ვიმყოფებით. აბა შენ იცი, თამაზ, ბურთიც შენია, მოედანიც და ბიძინას ფულებიც“- წერს გვარამია.
