2015-08-24 14:30

"ჩემს მიერ გაკეთებული განცხადება შეგიძლიათ მიიღოთ, როგორც აშშ-ის ხელისუფლებისა და საელჩოს განცხადება", - ასე გამოეხმაურა საქართველოში აშშ-ის ელჩის მოვალეობის შემსრულებელი ნიკოლას ბერლინერი media.ge-სთან ინტერვიუში გამოთქმულ მის მოსაზრებაზე კრიტიკას ცალკეული პირების მხრიდან.

ტელეკომპანია "რუსთავი-2"-ის გარშემო შექმნილ ვითარებაზე ელჩის მოვალეობის შემსრულებელმა ნიკოლას ბერლინერმა ცოტა ხნის წინ media.ge-სთან ისაუბრა და აღნიშნა, რომ "სამწუხაროა, რომ დღეს საქართველოში მედიის თავისუფლების საფრთხის ქვეშ დაყენების ან მედიაპლურალიზმის დარღვევის შთაბეჭდილება იქმნება".

ბერლინელის ამ განცხადებას საზოგადოებისთვის ცნობილი სახეების მხრიდან კრიტიკა მოჰყვა, მათ შორის იყო გოგა ხაინდრავაც, რომელიც დაინტერესდა, ეს მოსაზრება პირადად ბერლინერს ეკუთვნოდა თუ აშშ-ის ხელისუფლების პოზიციად უნდა ყოფილიყო აღქმული.