2015-08-14 23:33

ხმები იმის შესახებ, რომ 68 წლის მომღერალმა სოფია როტარუმ გააუქმა რუსეთში დაგეგმილი კონცერტები, დადასტურდა. მომღერლის დამ და ყოფილმა საკონცერტო დირექტორმა განაცხადეს, რომ როტარუს არ სურს სცენაზე გამოვიდეს მაშინ, როცა მის ქვეყანაში ისვრიან და ხალხი იღუპება.

ტრადიციულად, სოფია როტარუ ყოველ წელს მართავდა კონცერტებს ყირიმში, თუმცა, ეს ტრადიცია ყირიმის ოკუპაციის შემდეგ შეწყდა. ამასთან, მომღერალს არ გაუკეთებია საჯარო კომენტარი, თუმცა, თავისი პოზიცია გამოხატა, როცა ოჯახთან ერთად გადაიღო ფოტო უკრაინის დროშის ფონზე წარწერით: "დიდება უკრაინას". აღსანიშნავია, რომ მომღერალი ამ ეტაპზე ფინანსურ პრობლემებს განიცდის, მაგრამ მაინც ახერხებს, ყოველთვიურად დაეხმაროს უკრაინის არმიის მებრძოლებს ატო-ს (ანტიტერორისტული ოპერაციის) ზონაში.