2015-08-13 13:16

ლიტვის პარლამენტის სპიკერი ლორეტა გრაუჟინენე ოდესაში საოლქო ადმინისტრაციის ხელმძღვანელს, საქართველოს მესამე პრეზიდენტს მიხეილ სააკაშვილს შეხვდა. 

როგორც მოგვიანებით განაცხადა ლიტვის პარლამენტის თავმჯდომარემ, მათ ოდესის ოლქში მიმდინარე რეფორმებზე ისაუბრეს. გრაუჟინენემ აღნიშნა, რომ ესაუბრა ოდესელებსაც:

"ოდესაში ხალხს სჯერა მიხეილ სააკაშვილისა და მისი რეფორმების. სააკაშვილის მიმართ დამოკიდებულება, მისი შეფასებები მოსახლეობის მხრიდან სხვადასხვაა, მაგრამ, უმეტესწილად, დადებითი. ოდესელებს სჯერათ, რომ სააკაშვილის ინიციატივით დაწყებული რეფორმების შემდეგ ოდესა გახდება საჩვენებელი რეგიონი, ხოლო აქ განხორციელებული ცვლილებები - უკრაინის მასშტაბით მათი ჩატარებისა და წარმატების საფუძველი. მე მიხარია, რომ ხალხს იმედი გაუჩნდა", - ამბობს ლიტვის პარლამენტის სპიკერი.