პარლამენტის წევრი, "ახალი პოლიტიკური ცენტრის" ლიდერი ზურაბ ჯაფარიძე წერს, რომ რუსეთის წინააღმდეგ სანქციების მიერთებაზე საქართველოს ხელისუფლების მხრიდან უარი ან სიბრიყვეა, ან მიზანმიმართული მავნებლობა.
"რუსეთის წინააღმდეგ სანქციებს არ უნდა მივუერთდეთ, რადგან ამის გამო რუსეთმა შეიძლება ბაზარი დაგვიკეტოს" - არის კარგ შემთხვევაში, სიბრიყვე და ცუდ შემთხვევაში, მიზანმიმართული მავნებლობა.
1. რუსეთის ბაზარი არის არასტაბილური;
2. ეკონომიკური კავშირები კრემლისთვის არის პოლიტიკური გავლენის ბერკეტი;
3. იდიოტი ხარ, თუ ეს ვერ ისწავლე თუნდაც უკანასკნელი 25 წლის განმავლობაში.
ნებისმიერი გასაღების ბაზარი კარგია, მათ შორის რუსეთის ბაზარიც. მაგრამ მნიშვნელოვანია რაში ვხარჯავთ საკუთარ მწირ რესურსებს და რას ვიღებთ სანაცვლოდ.
ბოლო 3 წელი იმ ძალისხმევის, დროის, ენერგიის და ფულის 50% რომ დახარჯულიყო ევროკავშირის ბაზრის ათვისებაზე, რაც დაიხარჯა რუსეთის ბაზრის ათვისებაზე ('დაბრუნებაზე'), დღეს გაცილებით უკეთესად ვიქნებოდით.
პ.ს. წელს თითქმის ნახევარ მილიარდს ვხარჯავთ აგრარულ სექტორზე იმაზე გათვლით რომ ამ პროდუქციას შემდეგ რუსეთში გავიტანთ." - წერს ზურაბ ჯაფარიძე.