2015-08-06 12:51

საქართველოს პრემიერმინისტრი განმარტავს, რომ საქართველო არ უერთდება რუსეთის წინააღმდეგ დაწესებულ სანქციებს და ამის მიზეზად რამდენიმე ფაქტორს ასახელებს, ხოლო გავრცელებულ ინფორმაციას, რომ სანქციებს საქართველოც მიუერთდა, გაუგებრობას უწოდებს. 

„ჩვენ არ ვაპირებთ, რომ შევუერთდეთ რუსეთის წინააღმდეგ დაწესებულ სანქციებს. ამისთვის ბევრი მიზეზი არსებობს. პირველი მინდა აღვნიშნო, ჩვენ ძალიან ვუფრთხილდებით იმ შედეგს, რომელიც უკვე გვაქვს რუსეთ-საქრათველოს შორის, ვგულისხმობ სავაჭრო ურთიერთობის აღდგენას.

მესამე წელია სავაჭრო ურთიერთობების მიმართულებით მნიშვნელოვანი წინსვლა გვაქვს. წლების წინ სააკაშვილის გაუაზრებელი პოლიტიკის გამო გაწყვეტილი იყო დიალოგი რუსეთთან და ჩვენს პროდუქციას ედო ემბარგო. ჩვენ შევძელით, კონსტრუქციული და პრაგმატული პოლიტიკის მეშვეობით ამ ბაზრის ხელახლა გახსნა. ჩვენ ამას ვაფასებთ. ვფიქრობ რაღაც გაუგებრობას ჰქონდა ადგილი“, - აღნიშნა ირაკლი ღარიბაშვილმა.