2015-07-13 10:13

ირინა სარიშვილი „ფეისბუქის“ საშუალებით მათ მიმართავს, ვისაც ჯერ კიდევ ვერ გაურკვევია, ენდოს თუ არა მას. სარიშვილი წერს, რომ როგორც ნებისმიერი ჯანმრთელი ადამიანი, თავადაც ხან უშვებს შეცდომებს და ხან არა, მაგრამ ფუნდამენტურ საკითხებზე ერთიანობა უფრო მნიშვნელოვანია.

„...უკანასკნელად მოგმართავთ მათ, ვისაც ვერ გაგირკვევიათ, მე მენდოთ თუ არა, მეტს ამას აღარ გავაკეთებ, აღარც დრო მაქვს და ვეღარც აზრს ვხედავ დაუსრულებლად ამაზე საუბარში:

მე, ყველგან და ყველაფერში შეუმცდარი უმწიკვლოებისგან განსხვავებით, ჯანმრთელი ადამიანი ვარ და ხან ვუშვებ შეცდომებს, ხან არა...

ურთიერთობებში ბოლომდე მართალი და ბოლომდე მტყუანი მხარეები არ არსებობს. 
ჯანმრთელი ადამიანების ურთიერთობებს ვგულისხმობ და არა დედამიწაზე მოსიარულე წმინდანების.

ვისაც დღეს არ ესმის, რომ ამ უმძიმეს დროში ფუნდამენტურ საკითხებზე ერთიანობა უფრო მნიშვნელოვანია, ვიდრე ჩვენი ურთიერთსიყვარული თუ სიძულვილი, იმას ან ლოგიკასთან აქვს პრობლემები, ან არც მეტი არც ნაკლები, პროვოკატორია. 
ასეთ ადამიანებს მე პასუხს არ გავცემ, უბრალოდ ვაფრთხილებ: 

ნებისმიერი მცდელობა, ხელი შეუშალოთ უმნიშვნელოვანეს საკითხებზე ხალხის გაერთიანებას, ხელს უწყობს რუსეთთან გარიგებულ ძალებს, რომ ხელისუფლებასთან ერთად საზოგადოებრივი აზრიც რუსეთის მოკავშირეობის სასარგებლოდ ჩამოყალიბდეს!

ეს გესმით ყველაზე და ყველაფერზე მაღლა მდგომო მართლებო?! 
ხოდა თუ გესმით, გაჩუმდით მაინც! 
თუ არ გესმით, მაინც გაჩუმდით! ცოტა ხნით მაინც! მერე რომ არ შეგრცხვეთ, თუ ამის უნარი საერთოდ დაგრჩათ!

რა დროს ნაცი და ქოცია?!!!!!!! 
ვერ ხედავთ, რა ხდება?!!!!!!!!!!!!

ამაზე მეტ პასუხს ჩემგან ვეღარ მიიღებთ. მორჩა!“, - წერს სარიშვილი.