2015-06-16 18:33

,,გთხოვთ ყველა მედიას, საპანიკო სიტყვებს, როგორიც არის "ევაკუაცია", ნუ გამოიყენებთ, თუ ამას საგანგებო შტაბი არ იტყვის," - ეს განცხადება ირაკლი ღარიბაშვილმა რამდენიმე წუთის წინ ვერეს ხეობაში გააკეთა, სადაც ის საგანგებო შტაბში იმყოფებოდა.

,,შექმნილია საგანგებო შტაბი, ინფორმაცია სისტემატური რეჟიმში მოგეწოდებათ, ინფორმაციაზე წვდომის პრობლემა თქვენ არ გაქვთ, ასე, რომ ძალიან გთხოვთ მოსახლეობა არ შეიყვანოთ შეცდომაში. ეს არის ჩემი თხოვნა იმიტომ რომ ეს არის კრიზისული ვითარება, კრიზისული სიტუაციის სწორად მართვისთვის ჩვენ გვჭირდება სწორი და ობიექტური ინფორმაციის მიწოდება მოსახლეობამდე.

ამაში თქვენი ჩართულობა უმნიშვნელოვანესია. ამიტომ გთხოვთ, მოგიწოდებთ ყველას, რომ სანამ არ მიიღებთ დადასტურებულ ინფორმაციას, არ გაავრცელოთ", - განაცხადა ღარიბაშვილმა.