2015-02-25 15:41

მომხმარებლები, რომლებსაც კრედიტი დოლარზე აქვთ, შეღავათებს მიიღებენ. ეს გადაწყვეტილება ეროვნული ბანკის პრეზიდენტისა და კომერციული ბანკების პრეზიდენტების შეხვედრაზე მიიღეს.

 ირაკლი ქადაგიძის დავალებით, იმ მომხმარებლისთვის, რომელსაც კრედიტი დოლარში აქვს, კომერციული ბანკები სპეციალურ საშეღავათო პროგრამას შეიმუშავებენ. შეღავათები მხოლოდ ფიზიკურ პირებს შეეხებათ. 

ეროვნული ბანკის პრეზიდენტის გიორგი ქადაგიძის თქმით, შეღავათები ვალის დაფარვის ვადის გახანგრძლივებას გულისხმობს. თანხა, რომელიც ყოველთვიურად ემატება მომხმარებელს, ლარის დევალვაციის გამო საშეღავათო პერიოდზე გადანაწილდება.

,,თიბისი" ბანკის გენერალური დირექტორის ვახტანგ ბუცხრიკიძის თქმით, უნდა მოხდეს გააზრება, თითოეული მსესხებლის მიხედვით, რამდენად შეიძლება გრაფიკის დაგრძელება, რომ ყოველთვიური გადახდები დარჩეს რაც ჰქონდათ.