2014-01-31 21:40

თბილისში  ტაქსის კომპანიების უდიდესი ნაწილი დიდთოვლობისა და უამინდობის გამო გამოძახებებს აუქმებს.

როგორც ცნობილია, დედაქალაქში საავტომობილო მიმოსვლა გართულებია, ჯერჯერობით გზებზე ტექნიკური მარილი არ იყრება. თბილისელები სოციალურ ქსელებში წერენ, რომ ქალაქში ავტომანქანით გადაადგილება სახიფათოა.

 „აფხაზეთის ხმამ“ ინფორმაცია რამდენიმე კომპანიასთან გადაამოწმა. ოპერატორებმა დაადასტურეს, რომ მძღოლების მოთხოვნით თითქმის ყველა ყველა გამოძახება გაუქმებულია.

დედაქალაქში ტემპერატურა 31 იანვრის ღამეს -4 გრადუსამდე დაეცემა, მომდევნო დღეებში კი -6 დან -9 გრადუსამდე ტემპერატურაა ნავარაუდევი.