2015-01-04 12:07

გუშინ დიღომში მომხდარ მკვლელობასთან დაკავშირებით სამართალდამცავებმა 3 პირი დააკავეს.

მათ ორი ძმის, ალექსანდრე და დენის ატარშიკოვების მკვლელობა ედებათ ბრალად.

1994 წელს დაბადებული გიორგი ხ, 1995 წელს დაბადებული ბესიკ ფ. და 1991 წელს დაბადებული მიხეილ ვ. თბილისში აიყვანეს.

გამოძიებით დადგინდა, რომ ბრალდებულებმა მათივე ყოფილ თანამშრომლებს,  ალექსანდრე  და დენის  ატარშიკოვებს მათივე საკუთარ ბინაში ბლაგვი საგნით სხეულის დაზიანებები მიაყენეს და გაგუდეს.

მკვლელობის ჩადენის შემდეგ დამნაშავეებმა გაიტაცეს ,,ჯეო ლიფტის" ოფისის გასაღებები, სადაც ალექსანდრე მუშაობდა და გაქურდეს.

ცნობილი ხდება, რომ მათ რკინის მონეტების სახით 500 ლარი მოიპარეს და შემთხვევის ადგილიდან მიიმალნენ. სამართალდამცველებმა ისინი მომხდარიდან რამდენიმე საათში დააკავეს. ფულადი თანხა და გასაღებები ნივმთტკიცებად ამოიღეს. დაკავებულები ჩადენილ დანაშაულს აღიარებენ.

გამოძიება საქართველოს სისხლის სამართლის კოდექსის 109-ე მუხლით, დამამძიმებელ გარემოებებში ორი ან რამდენიმე პირის განზრახ მკვლელობის ფაქტზე მიმდინარეობს.