2014-12-28 12:58

გვიან ღამით გაჩენილ ხანძარს თბილისში 7 წლის ბავშვის სიცოცხლე ემსხვერპლა. შემთხვევა  ისანში სამხერდო ჰოსპიტალის ძველ შენობაში მოხდა. ცეცხლი კორპუსის მე-5 სართულზე გაჩნდა.

ხანძრის შედეგად, მრავალშვილიანი ოჯახის ერთ-ერთი წევრი, 7 წლის ბიჭი ადგილზე გარდაიცვალა, ხოლო დანარჩენები მძიმედ დაშავდნენ. სამივე ბავშვს ამ ეტაპზე იაშვილის კლინიკაში მკურნალობენ და მათი ჯანმრთელობის მდგომარეობა სტაბილურია.

ამ დრომდე მძიმედაა ბავშვების მამა, რომელიც დამწვრობის ცენტრში უგონო მდგომარეობაში ხელოვნური სუნთქვის აპარატზეა მიერთებული.

,,რუსთავი 2"– ის ინფორმაციით, ხანძარი ბავშვების ოთახში მაშინ გაჩნდა, როდესაც მათ ეძინათ. მამამ ოთახში შესვლის მიზნით შუშა ჩაამტვრია, რა დროსაც სხეულზე ჭრილობები მიიღო და ბევრი სისხლი დაკარგა.

ოჯახის ყველაზე პატარა წევრი 1 თვისაა. დაზარალებულების მეზობლები ყვებიან, რომ ისინი სოციალურად დაუცველები იყვნენ და უკიდურეს გაჭირვებაში ცხოვრობდნენ.