2014-12-28 09:22

,,ნაციონალური მოძრაობის" ერთ-ერთი ლიდერი, გივი თარგამაძე, ბათუმში მომხდარ მკვლელობაში ეჭვმიტანილისა და კანონიერი ქურდის, ლავასოღლის, ურთიერთობებზე საუბრობს და ამბობს, რომ ლავასოღლის საქართველოში შემოსვლისას სწორედ დევაძე(მკვლელობაში ეჭვმიტანილი) ხვდებოდა საკუთარი მანქანით და ,,ის ატარებდა რესტორნებში თუ შეხვედრებზე, მათ შორის პოლიციელებთან."

,,სამწუხაროდ, არსებობენ აჭარაში ლავასოღლის მიერ დანიშნული  და ასევე მოხსნილი პოლიციელებიც," - ამბობს გივი თარგამაძე ,,კურიერთან".

აქვე თარაგამაძე გამოძიების განსხავებულ ვერსიაზე საუბრობს და ამტკიცებს, რომ საზღვარზე გადასული მკვლელობაში ეჭვმიტანილი დევაძე შემთხვევით დააკავეს.

,,ტრაგედია ის არის, რომ ამ მკვლელობის შემდეგ დევაძის გაპარებას ქვეყნიდან ისევდაისევ ლავასოღლის დაქვემდებარებაში მყოფი პოლიციელები ცდილობდნენ და უბრალოდ სხვა დეპარტამენტის პოლიციელებმა ის შემთხვევით დააკავეს. მას გადალახული ჰქონდა უკვე საზღვარი ანუ გავლილი ქონდა ეს პროცედურები. ის უკვე ძებნილი იყო და მაინც გაიარა საზღვარი და ნეიტრალურ ზონაში დააკავა სხვა დეპარტამენტმა," - აცხადებს გივი თარგამაძე. 

რუსთავი2