
უკრაინის ჯანდაცვის მინისტრმა თბილისის საერთაშორისო აეროპორტში ჟურნალისტებთან საუბარში აღნიშნა, რომ უკრაინაში ძალიან საინტერესო პერიოდი იწყება.
„ჩამოვედი, რომ ჩემი პირადი ნივთები წავიღო და გადავბარგდე.
უკრაინაში დაძაბული პერიოდია – ბიუჯეტის მიღება, ანტიკრიზისული პროგრამის გატანაა საჭირო, მსოფლიო სავალუტო ფონდთან არის მოლაპარაკებები. ძალიან საინტერესო პერიოდი იწყება, ამ ყველაფერს საინტერესო რეაქცია მოყვა, მინისტრთა კაბინეტი ძალიან ძლიერია“, – განაცხადა მან.
ალექსანდრე კვიტაშვილის თქმით, ის აუცილებლად შეხვდება ირაკლი ღარიბაშვილს უკრაინაში, თუ ეს პროტოკოლით იქნება გათვალისწინებული.