2014-12-05 15:36

ინფრასტრუქტურის მინისტრის მოადგილის, ზურაბ კოპაძის ადგილზე დანიშნული ნოდარ ჯავახიშვილი ამბობს, რომ მისთვის დამატებითი საშტატო ერთეული დაუშვეს და არავისი ადგილი არ დაუკავებია.

კომენტარი ,,კურიერთან" ნოდარ ჯავახიშვილმა სატელეფონო საუბრისას მას შემდეგ გააკეთა, რაც მთავრობის ადმინისტრაციამ გაავრცელა ოფიციალური განცხადება მთავრობაში განხორციელებული საკადრო ცვლილებების შესახებ.

,,მე არავის ადგილს არ ვიკავებ. მე როგორც ვიცი, იქ არის მოადგილის დამატებითი საშტატო ერთეული დაშვებული და მე იქ ამ საშტატო ერთეულზე მივიდავრ. მე ასეთი ინფორმაცია მაქვს. დოკუმენტალურად მეც არ მინახავს," - აცხადება ნოდარ ჯავახიშვილი და დასძენს, რომ  "უნდა მოიხსნას ყოველგვარი საუბრები იმაზე, რომ აქ რაღაცეები ხდება. რაღაც დონეზე ეს სისტემა აწყობილია და, ალბათ, საჭირო იქნება გარკვეული კორექტივების შეტანა."

მთავრობის კანცელარიის ინფორმაციის თანახმად ნოდარ ჯავახიშვილმა ზურაბ კოპაძე ჩაანაცვლა.