2014-12-01 12:59

როგორც თბილისის ზოოპარკის „ფეისბუქის“ გვერდზე წერენ, ამ წყვილს შეხმატკბილებული და ბევრისთვის შესაშური ურთიერთობა აქვს.

„მათ ერთმანეთი ზოოპარკმა აპოვნინა. მანამდე ორივე თავ-თავისი, ნაცრისფერი და მოწყენილი ცხოვრებით ცხოვრობდა.

ყარამანიცა და თებროც პატრულმა მოგვიყვანა. ბიჭი - გლდანიდან, გოგო? არავის ახსოვს ზუსტად, საიდან. დღეს, დილიდან გადასარევ ხასიათზე არიან.

დათქარუნობენ ვოლიერში, გორავენ და კოტრიალობენ ქვიშაში, მხიარულობენ და შიგადაშიგ ერთმანეთს ალერსიანად წიხლებსაც უთავაზებენ-ხოლმე.

რომ დაიღლებიან და დასასვენებლად გაჩერდებიან, თებრო ნაზად მიუახლოვდება და ყურში ჩასჩურჩულებს, როგორ მიხარია, რომ გიპოვნე, ჩემო შავტუხა ბიჭოო. ყარამანიც დახუჭავს თვალებს სიამოვნებისგან და გაიტრუნება კმაყოფილი...

ზუსტად ეს მომენტი დავაფიქსირეთ ამ კადრში და თქვენც გაგიზიარეთ“ - წერს ზოოპარკის ადმინისტრაცია.