უკრაინის მინისტრთა კაბინეტმა უმაღლესი რადადან მიხეილ სააკაშვილის ვიცე-პრემიერად დანიშვნის საკითხი უკან გაიწვია. ამის შესახებ უკრაინული მედიაგამოცემები ცენზორ.ნეტის მთავარი რედაქტორზე, იური ბუტუსოვზე დაყრდნობით წერს.

„სააკაშვილის დანიშვნის ხმამაღალი ამბავი ჩუმი შედეგით დასრულდა. მისი დანიშვნა დაბლოკილია და გაურკვეველია საერთოდ შედგება თუ არა. ხანგრძლივი მოლაპარაკებების შემდეგ, ფრაქცია „ხალხის მსახურმა“ შეძლო დაახლოებით 140-170 დეპუტატის ხმის მოგროვება 248 დეპუტატს შორის. საკმარისი ხმები არ არის, ამიტომ პრეზიდენტმა ზელენსკიმ გადაწყვიტა საჯაროდ მხარი არ დაუჭიროს მიხეილ სააკაშვილს, იმისთვის, რომ სააკაშვილს შეეგროვებინა 226 ხმა, „მსახურების“ 190-200-ი წარმომადგენლის მხარდაჭერა უნდა ჰქონოდა“, - წერს უკრაინული პორტალის ცენზორ.ნეტის მთავარი რედაქტორი, იური ბუტუსოვი „ფეისბუქზე“.

ცნობისთვის, რამდენიმე დღის წინ, მიხეილ სააკაშვილმა განაცხადა, რომ უკრაინის პრეზიდენტმა მას რეფორმების დარგში ვიცე-პრემიერის თანამდებობა შესთავაზა.

საქართველოს პარლამენტმა საარჩევნო კანონმდებლობაზე ვიდეოკონფერენცია გამართა.

დღეიდან  მარტოხელა ხანდაზმულებისთვის საკვები პროდუქტებითა და პირველადი, მათ შორის ჰიგიენური ნივთებით უზრუნველყოფის კამპანიის მეორე ეტაპი დაიწყო. თბილისის გამგეობებს  მარტოხელა ხანდაზმულებისთვის განკუთვნილი ნობათები და ვირუსისგან დამცავი ფარები   წითელი ჯვრის ოფისმა (1500 ნობათი), კომპანია „ანაგმა“ (1000 ნობათი) და კომპანია „სეზანმა“ (5000 სახის დამცავი ფარი) გადასცეს. 

კორონავირუსის გავრცელების საპრევენციო ღონისძიებების ფარგლებში, სადეზინფექციო საშუალებებით დედაქალაქის ქუჩების დამუშავების პროცესი გრძელდება. გზის მორეცხვის სამუშაოები ამჯერად, გლდანის რაიონში, დუმბაძის გამზირზე და ნონეშვილის ქუჩაზე ჩატარდა.

ჩინეთის საგარეო საქმეთა სამინისტროს პრესსპიკერის, გენ შუანის განცხადებით, ვაშინგტონი თავიდან ირიდებს პასუხისმგებლობას ეპიდემიის პრევენციის სუსტი ზომების და კონტროლის მექანიზმების გამო და საზოგადოების ყურადღების გადატანას ცდილობს.

ბულგარეთის მთავრობა პირველი ივლისიდან აქტიური საზაფხულო სეზონის დაწყებას გეგმავს. როგორც ბულგარული მედია იტყობინება, ამის შესახებ ქვეყნის ტურიზმის მინისტრმა, ნიკოლინა ანგელკოვამ განაცხადა.

ავსტრალიის ჯანდაცვის მინისტრის განცხადებით, ქვეყანაში შიდა გავრცელება ფაქტობრივად აღარ ფიქსირდება. მისი თქმით,, ავსტრალია კორონავირუსს ამარცხებს, თუმცა საბოლოოდ ჯერ არ გაუმარჯვია.

>>>