საქართველოში გლოვის დღეა. ღამის 12 საათიდან სახელმწიფო დროშები დაშვებულია ყველა სახელმწიფო სტრუქტურის შენობაზე, გადაიდო გასართობი ხასიათის ღონისძიებები, ამასთან, დღევანდელი დღე ოფიციალურად გამოცხადდა უქმე დღედ.

გმირთა მოედანზე ეს კადრები დღეს დილით, რვა საათზეა გადაღებული. მერიის შესაბამისი სტრუქტურები და მოხალისეები ამ ადგილის დასუფთავებას დღეს განაახლებენ.

25 წლის ზუგდიდელი მარიამ ქუთელია, რომლის ცხედარი მაშველებმა გუშინ იპოვეს, მცირეწლოვანი იყო, როცა მამა გარდაეცვალა. დედამ ობლები მარტო გაზარდა. 

ანა ბაქანიძე წერს, რომ "რუსთავი-2"-ელობა მოუნდა, თუმცა, არა სამსახურებრივი, არამედ ადამიანური კუთხით, რადგან, მისი თქმით, მხოლოდ ახლა აცნობიერებს იმას, რაც ამ კოლექტივმა სტიქიის შემოტევის დროს გააკეთა. ანა ბაქანიძესთან ერთად "ფეისბუქის" მეშვეობით "რუსთავი-2"-ს უამრავი ინტერნეტმომხმარებელი უხდის მადლობას. 

ლომის თეთრი ბოკვერი შუმბა, რომელმაც საყოველთაო სიყვარული დაიმსახურა, ცეცხლსასროლი იარაღით მოკლული იპოვეს. სავარაუდოდ, ლომის ბოკვერი სპეცრაზმელებმა მოკლეს, როცა ის ვოლიერთან ახლოს შენიშნეს. 

უკრაინული და რუსული მედიასაშუალებები ადასტურებენ ინფორმაციას, რომლის მიხედვითაც უკრაინის არმიის მებრძოლებმა, დონეცკის თვითგამოცხადებული რესპუბლიკის შეიარაღებული ძალების ვიცე-პოლკოვნიკის მიხეილ ტოლსტიხის, მეტსახელად ,,გივის,, ბატალიონ ,,სომალის,, შტაბთან არსებული სეპარატისტების უდიდესი ტყვიაწამლის საწყობი ააფეთქეს.

მელიქიშვილის გამზირის შემდეგ ასფალტის საფარი და მიწა უკვე ჭავჭავაძის გამზირზე, მანქანების სავალ ნაწილზე ჩავარდა - ინფორმაციას და ფოტოს ისევ "პირველი რადიო" ავრცელებს. 

ზოოპარკის დირექტორმა ზურაბ გურიელიძემ საქართველოს კათოლიკოს-პატრიარქის განცხადების საპასუხოდ "იმედის" ეთერში განაცხადა, რომ ზოოპარკის ადგილმდებარეობა მართლაც უნდა შეიცვალოს, მაგრამ არა იმიტომ, რომ იქ ზარები იყო გადადნობილი.

პანკისის ხეობაში ჩატარებული სპეცოპერაციის შესახებ ინფორმაციას "რუსთავი-2" ავრცელებს. სამაუწყებლო კომპანიის ინფორმაციით, სამართალდამცველებმა თარხან ბათირაშვილის ნათესავი მერაბ ბათირაშვილი დააკავეს. 

ორი ადამიანი, რომლებიც სტიქიის შემოტევის შედეგად უგზო-უკვლოდ დაკარგულთა 24 კაციან სიაში იყო შეტანილი, სახლში უვნებლად დაბრუნდა და ამის შესახებ საგანგებო შტაბი საქმის კურსში ჩააყენა.