2014-10-14 13:10

დღეს დილიდან ეკლესიაში მისულ ტაძრის მსახურებს და მრევლს ტაძარი დარბეული დახვდათ.

როგორც „აფხაზეთის ხმას“ მრევლის ერთ-ერთმა წევრმა შეატყობინა, შენგრეულია ეკლესიის კარი, ჩამოყრილი და გათელილია ხატები, ამოტრიალებულია საკურთხეველი.

მათივე თქმით, მომხდარს ეკლესიის მოძღვარს უმალავდნენ, რადგან ავადმყოფობს და მის მდგომარეობას უფრთხილდებოდნენ: "შენგრეულია ეკლესიის კარი,ჩამოყრილია და გატელილია ხატები,ამოტრიალებულია საკურთხეველი...", - გვწერს მრევლის წარმომადგენელი. 

ადგილზე მუშაობენ სამართალდამცავი ორგანოების წარმომადგენლები.

წმინდა ბარბარეს მოქმედი ეკლესია ბოგდან ხმელნიცკის ქუჩაზე, (31 ქარხნისკენ მიმავალ გზაზე) მდებარეობს.