2014-01-20 23:50

სოჭის 2014 წლის ზამთრის ოლიმპიადის მონაწილეებსა და ორგანიზატორებს ტერორისტებმა ჯიჰადი გამოუცხადეს.

ვიდეომიმართვა მუქარის ტექსტით მსოფლიოს წამყვანმა მედიასაშუალებებმა გაავრცელეს. ორი მამაკაცი მუსულმანთა სიკვდილის გამო შურისძიებით იმუქრება:

„ჩვენ მოვამზადეთ საჩუქარი თქვენთვის და ყველა იმ ტურისტისთვის, ვინც ოლიმპიადას დაესწრება. თუ თქვენ გამართავთ ოლიმპიადას, ჩვენგან მიიღებთ საჩუქარს იმ მუსლიმების გამო, რომელთა სისხლიც დაიღვარა", - ამბობენ სავარაუდო ტერორისტები ვიდეომიმართვაში.

ჯერჯერობით მიმართვის ტექსტზე პასუხისმგებლობა არცერთ ტერორისტულ ორგანიზაციას არ აუღია.