2014-08-19 09:26

ოჯახის ახლობელთა განცხადებით, ქალბატონი მის მეგობართან ერთად დაახლოებით 2 კვირის წინ დაიკარგა.

ქეთი გოგოლაძე სალონიკში ერთ-ერთ ქართულ რესტორანში მუშაობდა.

„ღამე, როცა მორიგეობა დაუმთავრდა 12 საათისთვის სახლისკენ წავიდა და მას მერე არ გამოჩენილა. ქეთი სამსახურის დასრულებამდე დაახლოებით ერთი საათით ადრე ძმასაც ესაუბრა ტელეფონით, თუმცა რაიმე საეჭვო არაფერი შეგვიმჩნევია.

ქეთისთან ერთად იყო ნინა ავლასტიმიდუ, ორივე დაკარგულია“, - აცხადებენ ოჯახის წევრები. მათი თქმით ამბობენ, რომ დაკარგულ ქალბატონებს სალონიკის პოლიციაც ეძებს თუმცა უშედეგოდ.

ქეთი გოგოლაძის ოჯახი საქართველოს საელჩოს დახმარებას სთხოვს. ქეთი გოგოლაძე 7 წლის გოგონა და 18 წლის ვაჟი ჰყავს.