თავდაცვის სამინისტროს საზოგადოებრივ საქმეთა დეპარტამენტის ხელმძღვანელი ეკა შანიძე გაოცებულია იმ აჟიოტაჟით, რაც სოციალურ ქსელში ქართულ ჯარზე მომღერალ სალომე წერეთლის მიერ გადაღებულმა კლიპმა გამოიწვია.
ეკა შანიძე „ფეისბუქში“ წერს, რომ თავდაცვის სამინისტროს კლიპთან არანაირი კავშირი არა აქვს, ვინმესთვის „იუთუბიდან“ კადრების გამოყენების აკრძალვა კი უწყებას არ შეუძლია.
„ფრიად გაოცებულმა აღმოვაჩინე, რომ ვიღაცეებს გონიათ იმ უგვანო კლიპთან (რომელსაც შეგნებულად არ ვაზიარებ) თავდაცვის სამინისტრო რამენაირ კავშირშია.
დაახლოებით ერთი თვის წინ ამ გოგონას პროდიუსერმა დამირეკა ტექსტით - ძალიან მაგარი სიმღერა ჩაწერა პერსექტიულმა მომღერალმა ამან და ამან ( ) და იქნებ კლიპი გადაგვაღებინოთ ჯარშიო. მე ვუთხარი სიმღერა გადმომიგზავნეთ და გადავწყვეტთთქო.
ჩემი რეაქცია ქუთაისის ,,მეტრომარტის" თანამშრომლებმა ნახეს . (იქ ვიყავი იმ დროს).
პროდიუსერს ფსევდონიმით ,,ბრეგოვიჩი" აღარ შევუწუხებივარ. თუმცა თავიდანვე მითხრა - კარგი იქნება თუ დაგვეხმარებით, თუ არადა ჯარის კადრების მეტი რა არის იუთუბზეო.
დანარჩენს უკვე მთელი საქართველო ვიშვიშით აზიარებს და ტირაჟირებას უკეთებს ამ საოცრებას.
მშვენიერი უფასო რეკლამა გაიკეთა ამ გოგომ.
P.S. არ მეგონა ამ სისულელეზე ამხელა განმარტება თუ დამჭირდებოდა
P.P.S. კიდევ ერთი - თავდაცვის სამინისტროს არ აქვს უფლება ვინმეს აუკრძალოს იუთუბიდან კადრის გამოყენება. სხვა მისამართზე იჩივლეთ, თუ შეიძლება“.