იგი ნაკრძალში მდებარე ჩანჩქერიდან ხევში ჩავარდა. თვითმხილველთა თქმით, არაფხიზელ მდგომარეობაში მყოფ ახალგაზრდა მამაკაცს საფეხმავლო ბილიკზე ფეხი დაუცდა და 20 მეტრის სიმაღლიდან გადავარდა.
მათივე ინფორმაციით, შემთხვევა მაშინ მოხდა, როდესაც ახალგაზრდების ჯგუფი ლაგოდეხის დაცული ტერიტორიიდან უკან ბრუნდებოდა.
შემთხვევის ადგილზე მობილიზებული იყო კახეთის რეგიონის სამაშველო სამსახური და 112- ის ბრიგადა.
დაშავებული თავის დახურული ტრავმითა და სხვადასხვა სახის დაზიანებებით ლაგოდეხის რაიონულ საავადმყოფოში გადაიყვანეს. პაციენტს პირველადი სამედიცინო დახმარება გაეწია.