2014-07-21 17:41

ფესტივალ „ნოვაია ვოლნას“ ვერ დაესწრებიან ცნობილი რუსი მომღერლები იოსებ კობზონი, ოლეგ გაზმანოვი და ალა პერფილოვა, იგივე ვალერია. გადაწყვეტილება ლატვიის საგარეო საქმეთა სამინისტრომ მიიღო და მომღერლებს განუსაზღვრელი ვადით ქვეყანაში შესვლა აუკრძალა.

„ზემოთხსენებული პირები თავიანთი ქმედებით ხელს უწყობდნენ და აქეზებდნენ უკრაინის ტერიტორიული მთლიანობის ხელყოფას. მინისტრის გადაწყვეტილება მიღებულია იმიგრაციის შესახებ კანონის 61-ე მუხლის მეორე ნაწილის თანახმად“, - ნათქვამია განცხადებაში, რომელსაც ხელს აწერს ლატვიის საგარეო საქმეთა მინისტრი ედგარს რინკევიჩსი.