2014-06-25 22:17

7 წლის ნანუკა მარგველაშვილი, რომელსაც თბილისში დასმული სიმსივნის დიაგნოზი გერმანიიდანაც დაუდასტურეს, იხსენებს, რომ სიონის ტაძარში მისულმა მამა გაბრიელის სასახლეზე ხელები დააწყო და რწმენით სთხოვა, ქიმიოთერაპიის კურსების ადვილად გადატანაში დახმარებოდა.

ბავშვის დედა ტვ "ერთსულოვნების" მიერ მომზადებულ გადაცემაში ამბობს, რომ როცა სიონში მივიდნენ, ქიმიოთერაპიის კიდევ ორი კურსის ჩატარება იყო დაგეგმილი და ორ დღეში მის დასაწყებად უნდა მისულიყვნენ, მაგრამ სიონში მყოფმა დედა პარასკევამ დედა-შვილს ურჩია, ტომოგრაფია ხელახლა გადაეღოთ.

"ცოტა დავიბენი, მაგრამ ასეც მოვიქეცი", - იხსენებს ბავშვის დედა, - "ექიმი, რომელმაც წინა ტომოგრაფია გააკეთა და იცოდა, რომ ნანუკას მენჯის ღრუში სითხე ჰქონდა დარჩენილი, ხელახლა გადაღების შემდეგ გაოცებული დარჩა - სხეულში აღარაფერი იყო დარჩენილი. ჩემს თავს სწორედ ის გადამხდა, რაც სხვებისგან მხოლოდ ამბად მქონდა მოსმენილი".