2013-11-18 22:55

ამერიკული The New York Times, აქვეყნებს რა საქართველოს ყოფილი პრეზიდენტის მიხეილ სააკაშვილის ინტერვიუს და აღწერს საქართველოში მიმდინარე მოვლენებს, ყურადღებას ამახვილებს კვირას საქართველოში ჩატარებულ ინაუგურაციაზეც.

გამოცემა წერს, რომ სააკაშვილი გიორგი მარგველაშვილმა ჩაანაცვლა, რომელიც ადრე უნივერსიტეტის რექტორი და განათლების მინისტრი იყო:

„საქართველოს პრეზიდენტის თანამდებობაზე გასულ კვირას სააკაშვილი გიორგი მარგველაშვილმა ჩაანაცვლა. მარგველაშვილი წარსულში უნივერსიტეტის რექტორი და შემდგომ განათლების მინისტრი გახლდათ.

ინაუგურაციაზე კი ობამამ კარგად ცნობილი პოლიტიკოსების მაგივრად, ნაკლებად ცნობილი ოფიციალური პირები გაგზავნა. მიხეილ სააკაშვილიც არ დაესწრო ინაუგურაციას. მან მიზეზად მისი გუნდის წევრების დაკავება და პოლიტიკური დევნა დაასახელა“, - წერს The New York Times.