2014-06-15 19:19

ამ არჩევნებთან დაკავშირებით უკვე შეიძლება ითქვას, რომ იგი ბევრად უარეს გარემოში ჩატარდა ვიდრე 2010, 2012 და 2013 წლებში , - ამის შესახებ "ერთიანი ნაციონალური მოძრაობის" ერთ-ერთმა ლიდერმა გიორგი ბარამიძემ განაცხადა. მისი თქმით, ეს ქვეყნის დემოკრატიულ განვითარებას დიდ ზიანს აყენებს. 

"მისი თქმით, მოხდა პოლიტიკური ოპონენტის დაპატიმრება, პროკურატურისა და სხვა საგამოძიებო ორგანოების მიერ ოპონენტი პარტიების წარმომადგენელთა მიმართ საქმეების აღძვრა და უპრეცედენტოდ დაშინება. ამის გამო უკვე დარეგისტრირებული კანდიდატები იძულებულები გახდნენ მოეხსნათ კანდიდატურები. საარჩევნო სიებში მკვეთრად გაზრდილი პრობლემები და გაყალბების მცდელობის ფაქტები, არის შედეგი ივანიშვილის დაპირებული "გასაკვირი დემოკრატიის" მშენებლობის, წლისა და რვა თვის განმავლობაში უნიათო და უპრინციპო მთავრობის პროცესისა", - აღნიშნა ბარამიძემ. 

მისი თქმით, ეს დარღვევებით სავსე არჩევნები საქართველოს დააზარალებს, ევროკავშირთან ასოცირების ხელშეკრულების ხელმოწერის შემდგომი პროცესის ეფექტიანად წარმართვისა და NATO-ს მომავალ სამიტზე MAP-ის მიღების პერსპექტივის თვალსაზრისითაც.