მეგა-შოუ „ბრავოს“ პირველ საკონკურსო შოუში ერთმანეთს საბა ჩაჩუა და ჯგუფი „sparkle“ შეეჯიბრა.
საბას ლობისტი მსახიობი შორენა ბეგაშვილი, ხოლო „sparkle“-ს - ჟურნალისტი გიორგი გაბუნია იყო.
შორენა ბეგაშვილი (ლობისტი):
- წინა „ბრავოშიც“ ვმონაწილეობდი, მაგრამ ვერ გავიმარჯვე. გაიმარჯვებ თუ არა, მაინც აკეთებ საკუთარ საქმეს.
იმდენად ნიჭიერია ჩემი გუნდის წევრი, როცა რეპეტიციაზე მღეროდა, ვიკითხე ფონოგრამაზე მღერის-თქო? აღფრთოვანებული ვარ. გიყვარს, აკეთებ და გაიმარჯვებ თუ არა, აღარ აქცევ ყურადღებას. სანახაობა ვაჩვენეთ მაყურებელს, შოუ დავდგით, თან გავიმარჯვე და ეს უკვე კარგია.
გიორგი გაბუნია (ლობისტი):
- ყველანაირ ვარიანტს ველოდი, თუმცა არ გამკვირვებია. რადგან საბა თვითონ ძალიან ნიჭიერი ბავშვია.
მიუხედავად იმისა, რომ იქს-ფაქტორში ერთად ვიყავით და ფინალამდე ვერ მივიდა, ოთხი სკამის ეტაპიდან გავუშვი. საბა ნიჭიერია და მიხარია, რომ ამ კონკურსში მაინც მიეცა გამარჯვების შანსი. რაც შეეხება შორენას, ძლიერი კონკურენტი იყო და არ მიკვირს, რომ გაიმარჯვა.
თინა მახარაძე ("ბრავოს" წამყვანი):
- სანამ საკუთარ თავს არ ვნახავ ეკრანზე, ვერ შევაფასებ თავს. იქნებოდა შეცდომები, მაგრამ შოუ არის იმისთვის, რომ ეს შეცდომები გამოვასწოროთ.
შოუ არის იმისთვის, რომ ჩვენც კი გვიხაროდეს სცენაზე დგომა, შესაბამისად გაუხარდება ჩვენს მაყურებელს. მე და სტეფანემ ძალიან ვიხალისეთ. იდეალური პარტნიორია სტეფანე. ბევრი სხვადასხვანაირი როლის მორგება მიწევს ამ პროექტში, მე კარგად
ვგრძნობ თავს, მთავარია შედეგი ვნახო ეკრანზე.
სტეფანე ("ბრავოს" წამყვანი):
- ერთადერთი მეწყინა ის, რომ ვირუსი შემეყარა და ხმა დავკარგე, იმედია შემდეგ ლაივზე მექნება.
დიდი პასუხისმგებლობაცაა და პასუხისმგებლობა ნერვიულობას აბათილებს. რამდენადაც კარგია ჩემთვის ეს საქმე, ისე სანერვულოა. მე რასაც ვკიდებ ხელს, მინდა კარგად გამომივიდეს. ჯერჯერობით, მაყურებლისგან ისეთი კრიტიკა არ მიმიღია, ვეცდებით უკეთესები ვიყოთ.
ambebi.ge
