მომღერალი დედასთან ერთად ახალ სახლში გადავიდა. სალომეს ცხოვრებაში კიდევ ერთი სიახლეა - შეხვდა ადამიანს, რომელიც მისთვის ძალიან ბევრს ნიშნავს.
ჟურნალ „სარკესთან" ინტერვიუში სალომე ტეტიაშვილი მის ცხოვრებაში არსებულ სიახლეებზე საუბრობს.
„ჩემს ცხოვრებაში ძალიან კარგი ადამიანი გამოჩნდა, რომლის მიმართაც სიმპათიები მაქვს, თუმცა ჩვენ შორის ჯერჯერობით სერიოზული არაფერი ხდება.
ვერც მე გეტყვით, რომ შეყვარებული ვარ და ვერც ის იტყვის ამას. უბრალოდ, თავს კარგად ვგრძნობთ, ახლო და მეგობრული დამოკიდებულება გვაქვს.
ერთმანეთს დაახლოებით 7 თვეა ვიცნობთ, „X ფაქტორამდე" გავიცანით, პროფესიით ეკონომისტია.
როცა ოჯახის შექმნაზე ვიფიქრებ, არ მინდა, ის მოხდეს, რაც წლების წინ დედაჩემის ცხოვრებაში მოხდა.
ჩემს ბედს არასოდეს დავუკავშირებ ისეთ ადამიანს, ვისაც უკვე ჰყავდა ოჯახი.
შეიძლება მეორე ოჯახის შექმნისას ბევრად უფრო ბედნიერი აღმოჩნდეს ადამიანი, მაგრამ საკუთარი ბედნიერების სხვის უბედურებაზე აგების მეშინია,“ - ამბობს სალომე ტეტიაშვილი.