მომღერალი რამდენიმე თვის წინ მომხდარ შემთხვევას იხსენებს, რომელმაც მოსვენება დაუკარგა.
„რამდენიმე თვის წინ ერთი ძალიან დიდი შეცდომა დავუშვი და ახლა ბოდიში მინდა მუვუხადო იმ ადამიანს.
ზოგჯერ ღამე მეღვიძება და სხვა პრობლემებთან ერთად, ეს შეცდომაც მახსენდება.
სანაპიროზე, ელიავას ქუჩისკენ ამოვდიოდი, მარცხნივ, ეკლესიასთან უნდა გამეხვია. ამ დროს ზედა ქუჩიდან ჩამოდის ადამიანი, რომელიც პირდაპირ ჩემკენ მოდის.
თავი გადავყავი მანქანიდან, სად მოდიხარ-მეთქი, ვუთხარი და ხელებიც ვუქნიე უხეშად.
რომ გავუსწორდი, შემომხედა და მითხრა, კარგად მღერი და იმღერე, ის ჯობიაო.
მერე აღმოვაჩინე, რომ მაჩვენებელი არ მქონდა ჩართული. შესაბამისად, პრეტენზიაც არ უნდა მქონოდა ამ კაცთან.
ისე შემრცხვა, მამისტოლა კაცს უმიზეზოდ, რომ ვუქნიე ხელები...
უკან, რომ მოვიხედე, აღარ იყო. ძალიან შემრცხვა, მანქანა ეკლესიასთან გავაჩერე, გადავედი და ტირილი ამივარდა“, - აცხადებს ჭოხონელიძე „რეიტინგთან“ საუბრისას.
