2015-10-21 14:11

ის მომღერლები, რომლებიც „თბილისობის“ გალა-კონცერტზე გამოვიდნენ, გაღიზიანებით შეხვდნენ კოლეგების სტატუსებს, რომლებიც, ძირითადად, ღონისძიების ორგანიზატორების წინააღმდეგ იყო მიმართული. 

რამდენიმე მომღერალმა სტატუსად დაწერა, რომ გამომსვლელთა სიის შედგენის პრინციპი მათთვის ამოცანად დარჩა და რომ „დიდი საიმოვნებით“ გაესაუბრებოდნენ გალა-კონცერტზე გამომსვლელთა სიის შემდგენლებს, რაც პიროვნულ თავდასხმად აღიქვეს იმ მომღერლებმა, რომლებიც კონცერტზე გამოვიდნენ. 

"თბილისობის" კონცერტის სია ვინ შეადგინა, მაინტერესებს, უნდა გავესაუბრო... ხუმრობის გარეშე მაინტერესებს", - დაწერა ნინო ჩხეიძემ 19 ოქტომბერს. 

ამ მომღერალთა გაღიზიანებას კონცერტზე გამოსული კოლეგებისა და მათი თაყვანისმცემლების საკმაოდ აგრესიული რეაქცია მოჰყვა. თუ მომღერალი ქალები შედარებით თავს იკავებდნენ, მამაკაცები არც მუქარასა და ბილწსიტყვაობაზე ამბობდნენ უარს:

იმის გამო, რომ კოლეგები და მათი თაყვანისმცემლები უსაფუძვლოდ მოიხსენიებდნენ აუგად, გაღიზიანება არ ჩამცხრალა სიის მიღმა დარჩენილ შოუ-ბიზნესის წარმომადგენლებში. მაგალითად, ცოტა ხნის წინ ნინო ჩხეიძემ "ფეისბუქის" საკუთარ გვერდზე დაწერა:

"ახლა შემოვედი ფბ-ში, წავიკითხე ჩემი კოლეგების სხვადასხვა საინტერესო კომენტარები ჩემზე. სიმართლე გითხრათ, არც მიფიქრია, რომ თბილისობაზე მათი რომელიმე ისტერიული სტატუსი მე მეხებოდა, იმიტომ რომ, თუ ორგანიზატორებთან მაქვს პრეტენზია, ეს არ არის მათი საქმე. და არცერთი მონაწილე არ მიგულისხმია... მაგრამ როგორც ჩანს, ჩემს კოლეგებს თავიანთ თავზე მიუღიათ ჩემი სტატუსი და თავიანთ გვერდზე ბედნიერი უყურებენ ჩემზე ცუდ კომენტარებს, ერთმანეთსაც დამანუგეშებელ სიტყვებს უწერენ და ძალიან უნერვიულიათ. აი, მართლა ტეხავს, რომ ერთი კონცერტით ამბიციის ამხელა მწვერვალზე ადიხართ და მგლებად იქცევით...", - წერს ნინო ჩხეიძე. 

აქვე, თემის მსგავსებისა და იმის გამო, რომ სტატიაში მოხსენიებულ ზოგიერთ პირსაც ეხება, "აფხაზეთის ხმა" აქვეყნებს ვიდეოს, რომელიც ისრაელშია გადაღებული, ერთერთ კონცერტზე, სადაც დაკვეთით მონაწილეობდა "თბილისობის" გალა-კონცერტის მონაწილე რამდენიმე მომღერალი. ამ ვიდეოს სრული ვერსია "ფეისბუქზე", "ჩვენი გვერდის" ვიდეოებშია გამოქვეყნებული.

ვფიქრობთ, ამ ვიდეოს ნახვისა და მოსმენის შემდეგ ბევრს არ გაუჩნდება შეკითხვა, რატომ წუხს ხოლმე მაყურებლის ნაწილი, როცა ლაივში უსმენს ზოგიერთ მომღერალს...