2015-06-10 08:09

ევროპული ტურნის ფარგლებში ამსტერდამში გამართული კონცერტის დროს ლეგენდარულმა პოლ მაკარტნიმ სცენაზე ქართველ ფანებს უხმო: "სცენაზე არიან ჩვენი მეგობრები საქართველოდან!", - წარადგინა ისინი მომღერალმა. 

ქალსა და მამაკაცს, რომლებიც სცენაზე გამოჩნდნენ, პლაკატი და საქართველოს სახელმწიფო დროშა ეჭირათ. პოლ მაკარტნი მათ მიესალმა, ვინაობა გამოჰკითხა და ავტოგრაფები დაუტოვა. 

ევროპული ტურნის ფარგლებში პოლ მაკარტნის შემდგომი კონცერტი პარიზშია დაგეგმილი. სავარაუდოდ, ქართველი ფანები იქაც ეცდებიან, სცენაზე მოხვდნენ და მაკარტნი საქართველოში დაპატიჟონ.