ლეგენდარული ფრანგი მსახიობი, ალენ დელონი ოპერის იმ ქართველ ვარსკვლავებს შეხვდა, რომლებიც დღეს პაატა ბურჭულაძის საიუბილეო კონცერტზე იმღერებენ.
როგორც ირკვევა, 80 წლის ალენ დელონი მარტო კომპლიმენტებს არ დასჯერდა და საოპერო მომღერლები ხვევნა - კოცნითაც აავსო.
სოციალურ ქსელში გავრცელებული ფოტოებიდანაც ჩანს, თუ როგორ მოიხიბლა ფრანგი მსახიობი უცხოეთში მოღვაწე და მსოფლიოში აღიარებული მომღერლის ნანა მირიან ქართველიშვილის მკერდით.
„დაგვშოკააააა, სულ გვეფერებოდა, გვკოცნიდა, ძალიან თბილია.
სხვათაშორის ყველამ ავღნიშნეთ, რომ ის მამაკაცია ახლაც, 80 წლის ასაკში, ეს იგრძნობოდა.
მე პირადად მაკოცა ჩამიხუტა, ფრანგულად მითხრა რაღაც, ვერ გავიგე, იმედია კარგი და ლამაზი სიტყვები მითხრა, ფოტოდან გამომდინარე ასე ვფიქრობ.
ძალიან დიდ ემოციებში ვართ ყველა.... ჩემთვის უდიდესი ბედნიერებაა მივულოცო ბატონ პაატას მსოფლიო ბანს, დიდ ქველმოქმედს, ერის სიამაყეს 60 წლის იუბილე და მივიღო მონაწილეობა მსოფლიოს პრიმადონებთან ერთად ამ გრანდიოზულ კონცერტში, რომელსაც ალენ დელონი წაიყვანს! უსაზღვრო სიხარულს განვიცდი!!!“ - აღნიშნა „ნიუპოსტთან“ ინტერვიუში მომღერალმა.
