2015-02-11 10:04

პოპულარული რუსული ჯგუფი ДДТ და მისი ლიდერი იური შევჩუკი თბილისშია. იური შევჩუკის კონცერტი თბილისში, ფილარმონიის დიდ საკონცერტო დარბაზში ჩატარდება.

ჯგუფი ДДТ გასული საუკუნის 80-იანი წლების დასაწყისში შეიქმნა და საბჭოთა ცენზურას გაუძლო. იური შევჩუკი პირდაპირობით გამოირჩეოდა არამარტო საბჭოთა კავშირის ნგრევის წინაპერიოდში, არამედ რუსეთის ამჟამინდელი პრეზიდენტის მიმართაც.

ცნობილია მის მიერ დასმული შეკითხვები ვლადიმირ პუტინის მიმართ, რომელიც რუსეთში არსებულ მდგომარეობას, სიტყვის თავისუფლებას, მიტინგების დარბევას, მეშახტეთა უფლებების დაცვას ეხებოდა. ამის შესახებ შევჩუკი ჯერ კიდევ 2010 წელს საუბრობდა.

ცნობილი და პოპულარულია ასევე შევჩუკის "ანტიპუტინური" სიმღერები, განსაკუთრებით კი ეს ფრაზა მისი სიმღერიდან: "Путин едет по стране а мы по прежнему в г**не".