2015-01-29 22:06

მას შემდეგ, რაც გადაცემა „გააცინე და მოიგეს“ წამყვანად „კომედი შოუს“ მსახიობი ვახო ბიჭიკაშვილი გამოჩნდა, გავრცელდა ინფორმაცია, რომ მსახიობი გიორგი ვარდოსანიძე „რუსთავი 2“-იდან გამოუშვეს.

როგორც თავად ვარდოსანიძე განმარტავს, ქვეყნიდან გასვლა მოუხდა, ვახო დაეხმარა და მის მაგივრად ჩაწერა გადაცემა.

„დღეს მთელმა საქართველომ დამირეკა. უკვე მეც ვხუმრობ, რომ წიხლით გამომაგდეს „რუსთავი 2“-დან. გეტყვით, რომ ეს ყველაფერი ჭორია.

ასე იმიტომ მოხდა, რომ მე ქვეყანაში არ ვიყავი. ვახო დამეხმარა და ჩემ მაგივრად ჩაწერა გადაცემა. მერე თორმეტი გადაცემა მე ჩავწერე, რომლებიც ეთერში ჯერ არ გასულა. ვახო მხოლოდ ერთჯერადად დამეხმარა.

არანაირი  ცვლილება არ იგეგმება. უბრალოდ, შევეცდებით, მაყურებელი კიდევ უფრო გავახალისოთ,“ - აღნიშნა მან.

„რეიტინგი“