2015-01-20 12:20

როგორც  მომღერალი ნოდიკო ტატიშვილი ამბობს, „ცეკვავენ ვარსკვლავებში“ მოგებული  ავტომანქანა უკვე გადაიფორმა და კომფორტულად დადის.

„ახალი მანქანით ვმოძრაობ, უკვე გადმოვიფორმე და ძალიან მომწონს, კარგი მანქანაა.

ყველაფერი აქვს, რაც შეიძლება მანქანას ჰქონდეს სრული კომფორტისთვის.

პროექტის დასრულების შემდეგ ცოტა დეპრესიული ვარ.

ძალიან გადამღალა, იმდენად, რომ რეაბილიტაციისთვის ძალიან დიდი დრო დამჭირდება. ყველაფერი იმაზე რთული აღმოჩნდა, ვიდრე მეგონა.

მიუხედავად იმ შედეგისა, რაც ჩემს ოთხთვიან შრომას მოჰყვა და რამაც ძალიან გამახარა, სრულად განტვირთვისთვის გარკვეული დრო მაინც დამჭირდება, შემდეგ კი ახალი გეგმების განხორციელებას შევუდგები“, - აღნიშნა მომღერალმა.

„რეიტინგი“