2015-01-08 11:43

პაროდისტი და მსახიობი მამუკა ლომაშვილი იმ პერიოდს იხსენებს, როდესაც გასათხოვარი ქალები ახალ წელს მისი ჯადოსნური მაგიდის ქვეშ ხვდებოდნენ და ბედიც ეხსნებოდათ.

ამჯერად პაროდისტის ოჯახში ეს ტრადიცია „მოშლილია“, რადგან შვილის დაბადებამ მის ცხოვრებაში ბევრი რამ შეცვალა.

„ნათესავები, მეგობრები ჩემს სახლში ვიკრიბებოდით და მიდიოდა ლხინი. გასათხოვარ გოგონებს ვათხოვებდი.

ახალი წლის შემობრძანებას, ჩემს ოთახში შემოსული გასათხოვარი ქალბატონები მაგიდის ქვეშ ხვდებოდნენ და სხვათა შორის, ბევრი დავაქორწინე.

როცა ჩემი ჯადოსნური მაგიდის ამბავი გაიგეს, 31 დეკემბერს, ზუსტად 00:00 საათზე გასათხოვარი ქალების ტევა აღარ იყო ჩემს სახლში.

მათ ვინაობას ვერ გავამხელ, რადგან ახლა ბედნიერი ოჯახები აქვთ და არ მინდა, ამ გოგონების ქმრებმა გაიგონ მათი ოჯახის შექმნის საიდუმლო.

ერთს კი გეტყვით, რომ მათ შორის ჟურნალისტებიც იყვნენ“, - აღნიშნა მამუკა ლომაშვილმა.

„გზა“